LJÓSMYNDARAFÉLAG ÍSLANDS
Félag atvinnuljósmyndara á Íslandi
Ljósmyndun og notkun ljósmynda hefur tekið gríðarlegum breytingum með tilkomu stafrænu byltingarinnar. Í ljósi þess hefur aldrei verið meiri þörf á samtali og samvinnu allra sem hafa atvinnu af ljósmyndun með einum eða öðrum hætti. Vettvangurinn fyrir það samtal er Ljósmyndarafélag Íslands sem byggir á yfir 100 ára sögu fagmanna í ljósmyndun.
EKKI MISSA AF EINUM STÆRSTA LJÓSMYNDAVIÐBURÐ SEM HALDINN HEFUR VERIÐ Á ÍSLANDI
Nú fer að líða að stóru ljósmyndahátíð Ljósmyndarafélags Íslands sem haldin er í samstarfi við FEP og WPC. Stjórn félagsins hefur undanfarin 2 ár lagt mikla vinnu í undirbúning þessa stærsta ljósmyndaviðburðar sem haldinn hefur verið á Íslandi. Þetta verður heill dagur með frábærum fyrirlesurum og verðlaunaafhendingum erlendra samstarfsaðila.
Okkar helstu styrktaraðilar Ofar, Canon á Íslandi, Reykjavík Foto og Sony á Íslandi verða á staðnum og kynna nýjustu vörur sínar og lausnir, og þökk sé þessum fyrirtækjum er aðgangur að laugardagsdagskránni ókeypis en nauðsynlegt er að bóka miða á netinu(í skráningarhlekk neðst)
Forseti Íslands, frú Halla Tómasdóttir, heiðrar okkur með nærveru sinni og fer í myndatöku með hefðbundinni glerplötutækni til heiðurs 100 ára sögu íslenskrar ljósmyndunar. Táknræn stund sem heiðrar frumkvöðla, handverk og framtíð ljósmyndunar á Íslandi. Veitingar verða seldar á staðnum allan daginn en hátíðinni lýkur svo með glæsilegum kvöldverði og skemmtun.
HVAÐ ER AÐ FRÉTTA?
HVAÐ ER UM AÐ VERA?
Viðburðir framundan
Ljósmyndarafélag Íslands er vaxandi félag með fjölbreytta flóru félagsmanna. Við reynum að halda úti metnaðarfullri dagskrá fyrir félaga okkar og stundum bara alla sem hafa áhuga á ljósmyndun. Við viljum líka vita af öllu ljósmyndatengdu þó að það sé ekki á okkar vegum til að setja hér inn.
Allir viðburðir >
Er eitthvað að gerast?
Ert þú með eða veist þú um einhvern ljósmyndatengdan viðburð sem ætti að vera á dagatalinu okkar? Sendu okkur póst stjorn@ljosmyndarafelag.is og við skellum honum inn.
VILT ÞÚ LÆRA LJÓSMYNDUN?
Ef þú ert að velta fyrir þér að læra ljósmyndun en veist ekki hvar þú átt að byrja þá getum við kannski hjálpað.
Það er trú okkar í Ljósmyndarafélaginu að menntun sé máttur þegar kemur að ljósmyndun og mælum við með því að þeir sem hafa áhuga á því að leggja fyrir sig ljósmyndun sem atvinnu leiti sér menntunar í faginu. Nám er ekki einungis góður grunnur í faglegum vinnubrögðum heldur einnig mikilvægur tími til að finna sinn stað í ljósmyndun, þroska sig sem listamann og handverksmann og síðast en ekki síst til að byggja upp tengslanet í greininni. Það er ágætis byrjun að velja annað hvort iðnskólanám eða háskólanám. Með einföldun má segja að iðnskólanám sé oft tæknilegra meðan háskólanámið sé listrænna þó það sé alls ekki algilt.
En hvað er viðurkennt ljósmyndanám og hvar má sækja sér það? Svör við þessum spurningum og meiri fróðleikur menntun í Ljósmyndun má finna með því að smella hér.
